Ola!! Esta fin de semana rematei de gravar as voces do SMaA 3 de Korokati. Entre setas, viño, parolas e castañas, saquei tempo para rematar a última actualización do que fora a última entrega de KrKt, o «MaA3».
«Super Muerte al Arquitecto 3» é fiel ao directo que viña presentando nos últimos meses nos concertos de KrKt. Máis potente, máis vocoder, máis definición, novas secuencias, novas letras, novos arpexios, quizais un salto importante dende as últimas gravacións. Tiña que volcar o que estaba a suceder nos directos, bastante máis dinámicos que a grabación de fai un ano. De feito, unha das pistas é o disco enteiro cos sampleados de películas, políticos, filósofos e intelectuais varios para unir os temas entre eles.
Gravado integramente no Estudio «Edelmira II» en Güimil. De momento está para escoitar, deixo para máis adiante as presentacións, deseños e outras cousas a completar.
Espero que sexa unha escoita sorprendente. Se tedes ganas, darlle ao feedback.
Muaks!!!
Roberto Casteleiro 